Писмена работа на тема “Димитар Миладинов“

   Димитар Миладинов живее и твори во XIX век извршувајќи ја својата просветна дејност како учител, публицист, писател и собирач на македоски народни творби. Неговото школување, како и многу македонски просветни дејци, го проширува и надвор од границите на својата родна земја со што го завршува гимназиското образование во Јанина, Грција а потоа учителствува во македонските градови Охрид, Кукуш, Струга и Битолско. Константин Миладинов, Рајко Жинзифов и Григор Прличев се исто така едни од преродбениците кои ја бележат оваа значајна епоха на македонската литература и нејзиниот развиток.
   “Зборникот на Миладиновци“ несомнено е неговото најпознато дело кое впрочем го создава заедно со неговиот брат-Костантин Миладинов и претставува збирка од македонски и бугарски народни песни, гатанки, пословици од кои мнозинството се македонски. Во зборникот можат да се пронајдат и авторски песни од двајцата писатели. Во издавањето и оформувањето на ова дело, значајна поддршка двајцата браќа добиваат од Рајко Жинзифов, познат собирач на народни творби којшто бил нивен пријател и надвор од професионалниот план.
Денес постојат многу тврдења кои ја оспоруваат автентичноста на делото бидејќи јазикот на кој е напишано е бугарски иако во тоа време не се правела голема разлика помеѓу бугарите и македонците. Меѓутоа, многу важен аргумент против тврдењата дека “Зборникот на Миладиновци“ е бугарска сопственост е самата структура на делото. Оваа збирка содржи повеќе од петстотини оригинални македонски умотворби додека бројката на бугарски умотворби е неспоредливо помала.
    “Зборникот на Миладиновци“ е од особено големо значење за македонската литература. Тоа претставува пример кој до ден денес сведочи за постоењето и развитокот на една нација и најзиниот јазик кој успева да опстои и покрај пропагандите и притисокот од околните самостојни држави.


Вера Петкова