#КакоДа го уредиш своето CV - Сurriculum Vitae

    Првото CV кое го составив за себе беше наменето за апликација за обука на тема Лидерство. CV-то треба исклучиво да ги содржи информациите кои би можеле да бидат од корист само за работата, обуката или работилницата за која аплицирате но и било какви останати информации не се вишок.
   Најчесто, овој документ се пишува во Microsoft Office Word но постојат и помошни алатки на интернет (Europass CV).

   Најпрво ги внесуваме личните податоци (име, презиме, адреса и град на живеење, телефонски број), потоа образовните степени кои сме ги достигнале/завршиле (основно, средно, високо образование, постдипломски студии итн.). Оттука ги внесуваме добиените награди и признанија (доколку ги има) во главно поврзани со местото/улогата за која аплицирате (прво, второ, трето место или пофалници за регионални, државн или интернационални натпревари по биологија, хемија, музичко, ликовно, карате, информатика итн.) Следни се сите обуки, работилници, семинари и конференции кои ги имате завршено (пр. двонеделна обука по прва помош во Црвен Крст; работилница на тема Модерни Техники во Ликовната Уметност итн.) Познавање на јазици е исто така важно и при тоа треба да се наведе мајчиниот јазик како и странските јазици за кои поседувате знаење и притоа да го обележите до кој степен е истото.
   Вашите вештини и хоби се следните информации на листата имаат за задача да ги покажат квалитетие кои ги поседувате како индивидуа.
Вештини: компјутерски вештини во областа на PowerPoint, Excel, C++ итн.
Хоби: во слободно време пеам во школскиот бенд, читам книги и се занимавам со плетени ракотворби.

   Во прилог е прикажан завршниот резултат од едно изработено CV:

**************************************

Инес Ивановска

Адреса на живеење: Битола, Македонија
Дата на раѓање: 14.03.2002 - 17 години
Место на раѓање: Битола, Македонија
Телефон: (+389) 78 899 988
Е-маил: iines@ymail.com

Образование: ученик во СУГС „Никола Карев“ - Скопје (во тек)
                        отсек: природно - математички Б

Освоени места и пофалници: I-во место на државен натпревар по биологија (2017г.)
                                                   III-то место на државен натпревар по соло изведби на пијано
                                                   Пофалница на натпревар „Млади Библиотекари“ (2015г.)

Семинари, работилници: Учество на дводневна обука на тема „ХИВ-СИДА и контрацепција“                                                преку Црвен Крст
                                           Учество на семинар по физика и астрономија
                                           Учество на ЕПТА фестивал за млади пијанисти

Познавање на јазици:
мајчин јазик: македонски
странски јазици: англиски; пишување (5), говорење (5), слушање (5)
                             руски јазик: пишување (3), говорење (4), слушање (5)

Вештини: одлично познавање со работа во PowerPoint и Еxcel.
                  плетење
                  готвење

Способности: организација при тимска работа, модератор и осмислувач на концепти за работа/планови, комуникација, човек на тимот/мотиватор, 

Интереси/хоби: читање криминални романи, пеење, свирење на пијано и гитара, кошарка, планинарење.

**************************************

   Шаблонот за изработка на CV може и да подлегне на промени доколку за CV-то се бараат исклучиво само одредени видови податоци. Доколку не сте сигурни дали рачно напишан документ ќе биде доволен посетете ја страната на Europass кадешто има готова шема спремна за пополнување.