Писмена работа на тема “Смртта на Иван Илич и нејзиното значење“ од Лав Н. Толстој

     Етапата во  историјата на човековото творење која има за цел да ја прикаже вистинската слика на општеството, неговите услови и суровата реалност се нарекува реализам. Една од водечките творби во реализмот и до ден денес е самата “Смртта на Иван Илич“ од Лав Николаевич Толстој. Други познати уметници се Оноре де Балзак, Иван Тургенев итн.
   “Смртта на Иван Илич“ го доловува вистинито приказот на секојдневието на еден човек кој на сите начини пробува да ги задоволи очекувањата и да ја одржи репутацијата во општеството, притоа не предвидувајќи ги непоправливите грешки и последици. Тој го завршува образованието од висок степен, работи за пристоен прихот, се оженува за девојка од неговата социјална класа, има деца и постојано добива унапредувања. Негова рутина станало тој да го изразува своето достоинство и статус.
Но, дека приказот во јавност не е онаков каков што е зад затворени врати го потврдува ненадејното недолично однесување на неговата жена Прасковја Фјодоровна за време на бременоста. Таа станува неподнослива, вулгарна и љубоморна додека пак Иван спасот и мирот секогаш го барал во работата посакувајќи да ја избегне.
Авторот ни посочува дека сето пристојно однесување, исполнувањето туѓи желби и потреби не ни го обезбедува мирниот и посакуван живот.
Една таква прилика е кога на посета на смртно-болниот Илич доаѓа неговиот доктор, а
Прасковја го бакнува својот сопруг пред него со цел да изрази што поголема загриженост. Во своите мисли, Иван Илич длабоко ја презира онаа девојка за која некогаш имал високо мислење и надежи.
   Како заклучок, авторот преку неговиот главен лик ни порачува дека задоволството и идеалниот живот не можат да се купат со пари.
А во случај да сме успеале да ги купиме, сепак на крајот од животот, додека на смртна постела доживуваме рефлексија на сите наши одлуки и на целиот тек на животот, не можеме а да не се запрашаме - “дали го живеев животот како што треба?“


Белешка за авторот:
за белешка за авторот, кликни тука

Ликови: 
Иван Илич - главниот лик кој бил типичен пример за рутински човек. Педантен, со добро однесување, некогаш знаел да си приушти задоволства до одредена граница, ги следел општествените наметнати стандарди, работлив и вреден.

Прасковја - сопругата на Иван Илич, која била примерна и културна дама која во почетните месеци од бременоста комплетно го изменила своето однесување. Се што ја интересирало понатаму биле парите на мажот, забавите, културните настани. Имала вообразен и незаинтересиран однос кон својот сопруг.

Петар Иванович - најдобриот другар на Иван, кој го испочитувал правилото да го посети починатиот Иван без посебно чувство на тага.

Неговите деца -  девојче и момче кои исто како нивната мајка, не обрнуваат внимание на состојбата на нивнот татко и го живеат нивниот живот без скоро никаква контакна точка со Иван.

Герасим - слуга, единствениот пријател на Иван, кој му пружал поддршка, разбирање и сочувство на својот господар.